Sōgana
 |
| Pagsurat sa Hapon |
|---|
| Sōgana |
| Mga sahog |
| Mga gamit |
| Transliterasyon |
An Sōgana (草仮名; lit. doot na kana) sarong arkaikong silabaryo na Hapon, ngonyan ginagamit para sana sa mga katuyuhan na estetiko. Ini nagrerepresentar nin sarong intermediate cursive form sa pag-ultanan kan historikong man'yōgana na iskrip asin modernong hiragana. An Sōgana minalataw sa pangenot sa mga teksto Heian era, orog na an Eiga Monogatari (栄花物語; trans., Istorya nin Kagayunan) asin An Aklat nin Ulunan (枕草子, Makura no Sōshi).[1] Nagpoon sa takin na mga porma kan mga karakter na man'yōgana, an mga komun na nangyayaring sōgana orog pang pig-adaptar asin kan amay na ika-onseng siglo nag-evolve na sa mga porma kan modernong hiragana.[2]
An pangenot na katuyuhan kan Sōgana—ngunyan an solamenteng paggamit kaini—iyo an para sa artistikong epekto. Ini parating ginagamit para sa pag-awit nin rawitdawit, arog kan sa obra ni Fujiwara Kozei, na an estilo parating sinitar tanganing ipahiling an paggamit kan sōgana.[3] Alagad, an pag-atribwir kan nagkapirang natatadang mga obrang sōgana pinagdidiskutiran.[4]
Mga toltolan
[baguhon | baguhon an source]- ↑ Seeley, Christopher (1991). A history of writing in Japan. Japanese studies library. BRILL. p. 80. ISBN 9789004090811.
- ↑ McCullough, William H. (1999). The Cambridge History of Japan: Heian Japan, Volume 2. Cambridge University Press. p. 416. ISBN 9780521223539.
- ↑ Murray, Julia K. (1979). A decade of discovery: selected acquisitions, 1970-1980, Part 63. University of Michigan. p. 57. ISBN 9780934686365.
- ↑ LaMarre, Thomas (2000). Uncovering Heian Japan: An Archaeology of Sensation and Inscription. Duke University Press. p. 86. ISBN 9780822325185.
]