Aizawl Mosque Committee & Muslim Welfare Society buatsaihin Aizawl West Joint YMA field ah tukkin khan Eid ul-Fitr hun hmangin tawngtai rualna neih a ni a.
Aizawl Mosque committee & Muslim Welfare Society General Secretary Mamon Majumdar chuan he ni puala hun tha tak an neithei chu lawmawm a tih thu sawiin, Mizoram mipui ten duhsak taka Muslim mite an lo dawnsawn leh an puihna thin ah lawmthu a sawi a, Mamon Majumdar chuan Mizoram sawrkarin dan zawm tur a siam chungchang ah Muslim mipuite chu thu awih taka an tihtur ti a, ram neitu mipuite nen tha taka an inkaihruaina te zawma awm thin turin a chah a, tukkina Eid Ul- fitr puala tawngtaina nei a kalkhawm te chu an sakhaw ni pawimawh alo thlen hian mi tanpui nate, mi ngaihdamna leh khawngaihna te bakah hmangaihna midang chunga lantir thin turin a chah bawk a ni. Aizawl Mosque Committee hi kum 1909 ah din niin tunah hian Sairang, Pushpak leh Kolasib ah te Mosque din ani tawh a ni.
#DDnewsmizoram
