今年巴士路線計劃建議87E (泥涌 - 尖沙咀) 往尖沙咀方向新增車站，過烏溪沙後停靠利安邨、富寶花園、馬鞍山市中心、頌安邨、錦鞍苑。不再行經馬鞍山繞道，上游乘客前往市區車程時間相應延長。另新增分段收費，利安邨去尖沙咀$10.8 (87D同價)。班次不變。

咁樣改道似乎係幾好嘅新嘗試，平時馬鞍山市中心直出市區嘅路線主要行恒康街(耀安)，今次87E打算行經西沙路(頌安同錦鞍苑)，相當少見，為巴士路線選擇較少嘅錦鞍苑附近地區帶來新意。

唔少交通迷覺得87E係為咗「插旗」，起初想預留作服務十四鄉新樓盤，所以喺泥涌擔定凳仔等延長。點知十四鄉嘅巴士線要額外招標，多條路線不獲批准延長去十四鄉，變得無所作為。近年87E亦有尋找出路，例如回程繞經錦英苑，轉型為馬鞍山嘅快線。

預計實施: 2026第4季