今年巴士路線計劃建議86A (沙田圍 - 長沙灣甘泉街) 取消，並併入286A。合併後維持大循環，經青沙公路出九龍，再行獅隧返沙田。因應上次86A上午時段改成286A時取消咗深水埗郵政局站，導致前往深水埗核心地區不便，今次相應改道:

286A過九江街之後，仿照86C加停長沙灣政府合署、北河街、福華街、窩仔街 (一共4站)，並取消石硤尾邨美笙樓站。美盛樓起行回原路。

服務時間: 286A沙田圍開05:30-20:00，上午繁忙時間不變，下午繁忙時間20分鐘一班。相比原先86A來回方向尾班都係23:55，縮減將近4小時。夜晚20:00後將交由86C負責大圍往返西九龍。

此外，雖然86A併入286A後前往長沙灣車程有所加快，但前往深水埗及石硤尾變慢，以後者尤甚。因此按原先86A頭班係朝早10點幾作準，86C朝早10點後利安開出走線有所改動，並修訂修收費，另文再述。

我哋認為呢個方案分工仍然唔明確，尤其86C朝早10點後更改走線嘅做法，無疑係來源於86A被改到10點先開頭班，其實無乜必要造成骨牌效應。假設巴士公司打算以86C完全負責馬鞍山至大圍往返石硤尾嘅乘客，亦未嘗不可，286A過咗深水埗之後，或者可以經海達同青沙返沙田？能夠帶來更多可能性。既然今時今日286A已經做唔返沙田去石硤尾嘅功能，倒不如分工乾手淨腳啲，呢種分時段嘅做法對乘客實在太不友善。

預計實施: 2026第4季