今年巴士路線計劃建議取消 90 (石門站 - 將軍澳彩明) 所有往沙田石門班次。只餘下石門開出上午一班(0730)、下午一班(1800)往將軍澳。

早喺2018-19年，運輸署計劃開辦一條往返馬鞍山至將軍澳嘅巴士線 (將馬線)，原本不論將軍澳南北都可以搭佢直達小瀝源及石門工業區，後來被分拆為兩條路線，即係90同97，分別服務城河東同馬鞍山。

重組過後，得返將軍澳南有90去沙田嘅工廠區，然而走線又變得迂迴。相比原先「將馬綫」直落工業區，點知分拆後嘅90線離開大老山隧道後，居然要兜半個鐘先到石門站，失去規劃原意。當年提出新方案時，我哋已經對此表達極大疑慮，因為無法直接對準「將軍澳住宅區 - 沙田工廠區」嘅需求，最終確實得物無所用。