Viral ngayon sa social media ang terminong “San Kian” matapos ituring ng maraming netizen si Kian delos Santos bilang simbolo ng katarungan at tinaguriang “patron” ng panawagan laban sa pang-aabuso at kawalang-hustisya.

Mula sa seryosong talakayan ng mang-aawit na si Richard Poon hanggang sa mga malikhaing post ng content creators, tila nag-level up na ang pag-alala sa 17-anyos na binatilyo—mula sa pagiging biktima ng kontrobersyal na drug war, patungo sa pagiging “banal” na simbolo ng panawagan para sa katotohanan at pananagutan.

Para sa marami, ang “San Kian” ay hindi relihiyosong titulo, kundi representasyon ng patuloy na sigaw ng taumbayan: Hustisya para sa mga inosente.