中国香港特区政府為求強力執行預計1月25日實施嘅搭巴士帶安全帶法例，果然唔止無所不用其極，仲夠膽大話連篇。

TD班友例牌菜地甘冒犯「勾結外國勢力」罪名的引用外國例子，其中一處係第一任特首董建華訓示要努力學習的對象 - 新加坡

運輸署 Agent T 指新加坡嘅巴士都要帶安全帶，但事實係與本港九巴、城巴、龍運、新大嶼山巴士服務性質相同的巴士，不單止乘客唔駛帶安全帶，仲要係所有座椅連安全帶都無。

頭兩張相片係來自新加坡 Media Corp 8视界新闻新加坡 8world News 提供予 HK Bus Channel 巴士台 的資料圖片，為2024年10月「新電動巴士啟用」活動中所拍攝的。清楚見到，車廂想搵條安全帶都無。

即係 #有圖有真相 that 近乎最新一批嘅巴士都係無安全帶，想問運輸署署長李頌恩女士仲有乜嘢狡辯 ?? 定還是嫌只係得一張咁「多」??? 唔緊要呀，我有朋友、親戚响新加坡，隨時過幾日就多幾張。甚至乎可能一呼百應，各路人馬大量供相，要近呢幾個星期嘅又得，早十零廿年前嘅都得。得咗

我唔想猜測當局有乜嘢動機。我只係知道發表過有關言論嘅職員 (涉嫌) 觸犯《刑事條例》(Cap. 200) 當中的「作出失實或虛假陳述」，或最起碼應該可以叉廚「公職人員行為失當」。奉勸最好公開宣報收回有關言論。

另外送多一張都係來自新加坡 Channel 8 電視台網站嘅相片。唔止乘客位無安全帶，係連司機位都無㗎！雖然最近新車有裝返 (司機位ONLY)，唔知運輸署方面係咪想講「睇吓新加坡啲巴士幾咁危險」呢??

P.S. 運輸署援引過嘅例子嘅地方都做晒 research。其中一處將可以重演19vs20時「愛祖国用国貨」嘅一幕

唔知係乜就先自行做吓功課。互聯網有樣嘢叫做搜尋工具的。

#jackyLim #unclelim