話說呢款 Yutong GT12 旅遊巴士，响歐洲，尤其是英國大賣，首要原因當然係車價便宜，€300,000 有找。雖然呢個價錢仲有土耳其 TEMSA HD12 呢個選擇，機械上都係 DAF MX11 引擎配 ZF 波箱及前後車軸，但宇通嘅銷量始終勝一籌。

始終當地嘅經濟環狀況，€300,000 以上嘅歐洲牌子出品，唔係無市場競爭力，只不過車公司點都會考慮若價錢低啲而質素仍保持到一定水平，無理由同荷包作對。

據响英國揸旅遊巴嘅朋友講，遇上揸呢款 Yutong GT12 嘅司機，同佢哋吹水時，啲司機都話呢款車好揸，維修方面都唔算好多嘢整，總體係 acceptable 啦。

而又 HK Bus Channel 巴士台 早前一集嘅宇通+Marcopolo Test drive，响代理聯絡我嘅時候，我都好狠猶豫。因為香港市場對宇通嘅印象真係相當負面，但就因為有知道 GT12 呢款車响歐洲嘅使用情況，於是乎就「姑且搏一鋪」咁解。而又揸起上嚟，的確一如影片入面所講，起碼堂軚响公路上夠晒穩定無兩頭揈，山路軚盤指向算準確，狹窄地方亦夠軚。總之一切就是傳媒基本原則，有碗話碗有碟話碟。

只不過例如某蘇門答臘生蕃對住啲唔夠拗嘅人唔係BLOCK就話人投共，又或者只要用 Made in China 甚至係 Chinese Brands 嘅商品就老揩話係投共所為，隨時分分鐘真係一嘢就話呢啲英國嘅旅遊巴公司買宇通就是投共，當然，可能未有真係講出口咁解，但係咪有咁嘅意圖或企圖，天知地知佢自己先至知喇。

再講，我真係有諗過，如果有機會，真係想試揸吓呢款 GT12，可是依家就連大家以為我最唔想揸嘅豐田 COASTER 偶然都要揸吓......

即係點？總之算係好過啲自恃讀過大學嘅 Seven Head Skin 除咗日日9UP 屈呢個投共、嗰個收錢做嘢之外就根本乜柒都唔識做.... 咁囉。

#乜柒都無講

#jackyLim #unclelim