લાખણકા ગામમાં જેટકોના સબ સ્ટેશન સામે વિરોધ:300 વિઘા ગૌચર જમીન પર બની રહેલા 220 કે.વી. સબ સ્ટેશન સામે ગ્રામજનોએ કર્યા સૂત્રોચ્ચાર

આ જમીન પર સ્થાનિક યુવાનોએ પોતાના ખર્ચે 4000થી વધુ વૃક્ષોનું વાવેતર કર્યું છે. સબસ્ટેશનના કામ શરૂ થતાં ગામલોકોમાં રોષ ફાટી નીકળ્યો છે. ગામના સરપંચ, માલધારીઓ અને ખેડૂતો સહિત મોટી સંખ્યામાં લોકોએ સ્થળ પર એકત્રિત થઈ વિરોધ નોંધાવ્યો છે.

ગ્રામજનોએ 'વૃક્ષ બચાવો' અને 'ગૌચર બચાવો'ના સૂત્રોચ્ચાર કર્યા અને રામધૂન બોલાવી શાંતિપૂર્ણ વિરોધ પ્રદર્શન કર્યું. ગામલોકોનું કહેવું છે કે તેઓ વિકાસ વિરોધી નથી, પરંતુ સબસ્ટેશન માટે અન્ય જગ્યા પસંદ કરવામાં આવે.

લાખણકા ગામના સરપંચના પ્રતિનિધિ, ખેડૂતો અને માલધારીઓએ ચેતવણી આપી છે કે જો કામગીરી તાત્કાલિક બંધ નહીં કરવામાં આવે તો સમગ્ર ગામ પશુઓ સાથે હિજરત કરશે. તેઓ તાલુકા કચેરીનો ઘેરાવ કરવા અને અનશન કરવાની પણ ચીમકી આપી છે. સરપંચના પતિ જયેશભાઈ ગાબાણી અને માલધારી સમાજના આગેવાન જગદીશભાઈ ભરવાડે આ માહિતી આપી છે.