港鐵上次加價後，7月提供「搭十送一」優惠車程，呢啲免費車程要喺車站裏面嘅數碼服務站換領，唔能夠經由手機app兌換。原來現時全香港98個重鐵車站之中，只有3個不設數碼服務站: 分別係石門、欣澳、迪士尼。後者以服務遊客為主，石門站嘅性質偏向服務居民。

而家由石門入閘嘅乘客，假如想換領搭十送一嘅車程，據稱客務中心職員會建議乘客去第一城換領。往返本站嘅乘客，就要付出額外成本先能夠用到全港都有嘅優惠，減低加價後回饋嘅效益。

同樣使用數碼服務站換取嘅，仲有之前提供過嘅羅湖/落馬洲7折車程。雖然嗰次石門站冇份，但係日後港鐵再提供呢類優惠時，本站乘客可能繼續無法使用。

至於現場嘅車站情況，石門站C/D出口大堂嘅大部分空間已經用咗，不過係咪完全冇空間安裝呢？或者可唔可以經由客務中心兌換？港鐵應盡快考慮石門站嘅特殊情況，方便本站乘客。

IG: https://instagram.com/shatin_transport

更多內容: https://linktr.ee/shatintransport