அ.தி.மு.க – த.வெ.க இடையே கூட்டணி பேச்சுவார்த்தை நடைபெற்று, அது ஒரு முடிவுக்கு வராத சூழலில், அ.தி.மு.க - பா.ஜ.க கூட்டணி உறுதியானது. மத்திய உள்துறை அமைச்சர் சென்னைக்கு வந்து தங்கியிருந்து அந்த வேலையைச் செய்துமுடித்தார். அதன் பிறகு, அ.தி.மு.க-வின் செயற்குழு கூட்டம் சமீபத்தில் சென்னையில் நடைபெற்றது. அதில், ‘மெகா கூட்டணி அமைப்பதற்கு வியூகம் வகுத்துவரும் அ.தி.மு.க பொதுச்செயலாளர் எடப்பாடி பழனிசாமிக்குப் பாராட்டு’ என்று தெரிவித்து தீர்மானம் நிறைவேற்றப்பட்டது.