尿袋關注組 (🔌🔋⚡️充電寶/手提充電器/充電火牛/充電池/充電線/充電用品) | raymond 兄大概係 block 咗我，搵唔到佢個 post，冇辦法直接回覆佢，唯有開個新 post 公開回覆

之前 raymond 兄問「幾蚊貨會用呢啲磁環？」，我都有同樣疑問，於是喺拼多多又買咗幾款幾蚊雞貨色嘅磁吸手機殼，涵蓋 Samsung S20 FE、iPhone X 及 iPhone 7/8/SE 三款機型，售價全部不超過 10 元人民幣，甚至包郵到香港。（我買嗰款 15 Pro Max 殼就貴啲）結果⋯⋯全部都有佢講嘅「驚喜」。

我最初都以為呢類用好多粒細磁石組成嘅磁環，平價殼好少會捨得用，畢竟我以前買嘅平價磁吸殼都只係用鐵環就算，估唔到今時今日啲平價殼都捨得用好啲嘅料，吸力都唔錯。

順帶一提，Raymond 兄用嘅 vivo X100 Pro？磁吸手機殼喺拼多多一樣係 10 蚊都唔使，包郵到港添。