(cache)載空國際 - 【合理去長車短搭嘅 290A】...

載空國際's Post

載空國際

【合理去長車短搭嘅 290A】

近日財政預算案公布，當中「2蚊乘車優惠」就最終變咗做「2蚊及2折乘車優惠」，部門就解釋其他人一個原因係希望減少「長車短搭」的誘因。

載空仔都好討厭果班朝早返工同大家搭長途線（特別係繁時線）爭位坐，但幾個站就落車嘅兩蚊黨。不過有部分地區就偏偏依賴長途線去做短途客，今日主角 290A 就係一例。

290A 個「世界級」走線，相信無乜人會搭佢由調景嶺到荃灣，但呢條線偏偏係290系入面最好客最好揾果條，原因係做咗一堆高價流水客，例如將軍澳到秀茂坪同「四順」嘅乘客。

未有 290A 前，呢班客一係要落彩虹或觀塘轉車，一係等小巴 12 落寶林轉車，相當不便，但有咗 290A 之後就可以一程車過，呢班客隨時佔將軍澳區上嘅客超過一半。

呢段「流水」收全費 $12.1 （回程分段收 $7.5）貴唔貴？絕對係貴，但小巴 12 原來收緊 $12.3（回程 by分段收 $7.7），就覺得呢段路係抵坐。

自從出咗嚟做嘢之後，有時趕時間起嚟真係會求其上架車，只要平過的士去目的地都會覺得扺。

之前有人就建議，唔好減「2蚊優惠」，要巴士公司裝「落車拍卡」或者「回贈機」，按距離收費，甚至由交通機構負起「社會責任」承擔長者優惠云云，總之就唔想俾多個 $2 。

「落車拍卡」或者「回贈機」固然唔係新事物，「按距離收費」呢個原則又喺巴士收費表令上已實行，但載空仔可以斷定，依家香港巴士重未可以做「按距離收費」。

唔講其他複雜大道理，如果做到嘅話，點解政府股權達七成幾嘅港鐵重未做到「按距離收費」？點解依家搭鐵路由何文田去鑽石山，重係貴過紅磡去鑽石山咁反智？

今次「2蚊乘車優惠」嘅討論好多「偉論」出哂嚟，但講咁多說到尾不如大家坦白啲，就係「我搭車俾開 $2，一蚊都唔想俾多」。

講返 290A，其實流水客中兩蚊客嘅比例反而不多，就如前文提及除咗流水客多外，其餘都係荃葵往來四順、秀茂坪為主，就算依家 290 改為坑口到總站，都係甚少人會搭 290A 到荃葵，因為唔塞車都好，290A 由調景嶺到葵芳通常都要約 75 分鐘，到荃灣都要預 90 分鐘。

至於 290 縮短後原本調景嶺班客去咗邊？相信醒目嘅讀者都會心中有數。

All reactions:

45 comments

15 shares

Comment

Most relevant

Top fan

Jimmy Chan

其實要改革兩蚊搭車計劃，第一樣要做就係取消所有B車同過境交通既兩蚊搭車優惠，然後就劃一將優惠變成成人車費票價三折，咁長車短搭情況一定會有改善

View all 2 replies

Kelvin Chan

根本全港巴士、鐵路的票務系統都要做檢討，巴士公司嫌棄短途線賺唔到錢，將班次拉梳到20-30分鐘，唔想等就去長車短搭，港鐵就貪得無厭，由屯馬全通的一刻已經叫修訂票務系統，將車程與票價對比合理化，講到而家都無行動，遲啲加多十幾站只會越麻煩

Gemini Archer

Fun Fact：將軍澳廣場上290A去荃灣，係快過290X㗎

PS 只係夠膽搭地鐵

Top fan

Chapman Lui

調景嶺將軍澳南搭鐵去荃灣起馬係調景嶺站觀塘線有位坐，巴士優勢唔大。

290X一來疏車，二來條線主要客源係安達臣，將南人搭都唔快得幾多

Nicky Yu

290縮線係一大錯誤！冇晒將軍澳廣場班客，又慳唔到時間（因為要坑口私去調景嶺做A仔）。

當初有個巴迷叫Tony Cheung提議縮

View all 3 replies

Helen Chow

香港巴士「按距離收費」: 6,15,6X,796... N216,N293,64K...

Patrick Leung

留意返

12小巴去程都有$7.7短棍

不過計埋地鐵錢其實都差唔多

心爺

290A瞓覺一流

290X不經寶琳算係補償到安秀道流失嘅時間

載空國際 replied

2 Replies

Peter Lee

至於港鐵何文田去鑽石山車費只參考觀塘線,而且何文田至鑽石山本身迂迴,mtr仍然逢2進1,睇返觀塘至尖沙咀和荃灣至尖沙咀,明明經過車站數目一樣,觀塘線車費較荃灣線為低,反映迂迴在前地鐵訂價因素之一。而紅磡則受兩鐵合併後轉車費影響, 屯馬通車顯示紅磡/何文田至鑽石山車費出現短貴長平現象,除非成個港鐵車費架構砍去重煉,否則想港鐵減價,休想!

Kennedy YipLau

大把巴士係咁其實，42/214/連我坐開呢52X都變左買餸車

View all 2 replies

Kelvin Har

其實係應該， 290 A咁長途嘅流水線，應該整多啲分段收費，唔單止喺將軍澳區內，例如坑口去順利要同你俾晒去荃灣西嘅錢…