九龍城碼頭是福地

昨日除咗去大埔影鐵巴，亦順便去追復出一段時間嘅Enviro50 EV，直覺話我知去九龍城碼頭好過去美孚，如是者喺大埔坐75X慢慢碌過去。

紅鐵甲係第一個意外，同呢架車擦身而過幾次終於正正經經影到。

緊接著紅鐵甲嘅係ASUD實力雞係第二個意外，由於孖公仔到嘅關係就無得喺同一個位影，司機有習慣喺落客站清客就夠時間去返11B站尾影。

AVBE 可能係你喺香港見到嘅最後一批Volvo車用ADL車身，至今都活躍於85呢條線，早幾日收工經過大圍站見到各路行家佔領最佳位置影AVBE行82D就知係時候儲返啲存貨。

“個司機都幾大膽，見到我就熄牌”，當然呢啲唔構成投訴嘅理由，夠鐘開車就自然會開返，我唔係好明嗰件事投訴人諗乜。

重頭戲當然係AED Enviro500EV，睇九巴ETA見到雙輪椅有四葉草logo就係佢，架車坐感靜順，爽就行6C無乜機會發圍稍為有少少可惜，冷氣製冷ok同V6B早期設定偏大風，應該同比亞迪差唔多都會一時大風一時細風，AED冷氣就keep 住會有凍風出，都似舊年揸過嘅Ford Focus 個冷氣一樣風速時大時細。不過可惜Enviro500EV續航力比中資對手嚟得弱，就算載客量更高，相信就九巴同廠方之前嘅爭議，加單之路變得遙遠。