الوضع الحالي للتوظيف

bu salman · يوم أمس 2022-04-17, 05:07 PM

السلام عليكم ورحمة الله وبركاته

موضوع للنقاس ياساده,

بذكر ثلاث حالات بدأ بنفسي.

انهيت خدماتي لاحدى الشركات الهندسيه بعد خدمة سنتين وزيادة, بدون سبب, عقد غير محدد المدة. اتصلت على الموارد البشرية, سألت وش السبب, قال المشاريع متوقفه ومافي فلوس.
الاجانب اللي معي شغالين على نفس المشروع؟؟؟ ولا واحد انفصل. اللي فصلوه معي سعودي اخر وعطوه نفس العذر.
رجعت المكتب اخذ اخلاء طرف, وجدت بنت خريجه جديده مع الهندي تبع الايتي يضبط لها الايميل والبرامج الهندسيه. الجدير بالذكر اول مادخلت الشركه ذي كان عدد النساء فيها 0%, كلها مهندسين اجانب وحبة سعودي في الاستقبال والموارد البشريه. مدري كم وظفو وحده للحين لكن شفت وحده اخرى في الموارد البشريه.

.....

نجي للحاله الثانيه, أخوي انهي عقدة محدد المده قبل شهرين بعد خدمة سنه لتلك الشركه, السبب عدم الرغبه في التجديد, رجع قبل اسبوع ياخذ حقوق متأخره وجد بنت تعمل على وظيفته السابقه. التخصص كان اداري.

-----
الحالة الثالثه صديق مقرب, عمل في شركه تابعه لوزارة الصحه. القسم اللي كان يعمل فيه تبع لقاحات كورونا, 80% من الموظفين فيه نساء, مديره المباشر كان امرأه. طلع اجازه, اتصلو عليه في اجازته قالو لاترجع انهينا عقدك, وش السبب؟ مشروع القاحات انتهى. المشروع شغال وماشي والجرعه الرابعه في الطريق.

-----

خلال الفتره الماضيه قدمت على عدد كبير من الشركات بخبرتي ولا تواصل معي غير شركه واحدة, سويت مقابلتين معهم. بعدها قالو نبي ناخذ اوكي من الشركه اللي بتعطينا المشروع خلال اسبوعين ثلاثه نتواصل معك. بعدها جاني منهم رسالة عدم قبول.

اذكر قبل فتره قريت عن شباب يفصلون عشان يتوظف نساء على حسابهم, صراحه توقعت انها مبالغه نوعا ما, لكن الواضح انها حقيقه.

وش قاعد يصير ابفهم؟؟

انا ماني مطلع كثير عن السوق, رجاء ياخوان اللي عنده معلومه عن وش قاعد يصير بالضبط يفيدنا. ابي اعرف وضعي واخطط على الاقل للمستقبل القريب.

THE HUNTER · يوم أمس 2022-04-17, 07:38 PM

1- في بعض الحالات, يستلمون رواتب أقل, فالمجموع يكون اقل تكلفة على المنشأة.

2- في السابق اعتقد كانت تحسب سعودة عن 2 من الرجال, ما أدري اذا تغير هذا الشي او لا؟!.

3- موضة الشركات الأن في حشر اكبر كمية من النساء في اي مجال ( PR او ماي قاد شي خيال كمظهر)

4- لاحظت كذلك انها اكثر انصياعا للمدير (عادة يكون اجنبي يحل ويربط) وبعضهم عندهم فكرة انها تكرف

اكثر من الرجل وملتزمة بالعمل وتحافظ عليه.

ممكن اكون اخطأت في بعض النقاط ونسيت بعضها

لو عندك نظام عمل قوي يحمي الموظف, الأمور هذه ماتمشي, بأختصار هذا تمييز عنصري على اساس

الجنس, افصل ذا وحط ذا بداله اليوم الثاني بسبب عضو تناسلي. الظاهر الشباب راح يحتاجون

منصة خاصة بالذكور مثل باقي المنصات الى تطلع كل يوم. اما بالنسبة للمستقبل حاول تتعلم الطبخ

والتزامات المنزل.

bury my bones · يوم أمس 2022-04-17, 07:40 PM

التوجه الجديد الآن إحلال المرأة مكانك
وأبشرك المعاناة المهنية حتى عندنا يالمهندسين ، وحتى الموظف أشبَه بالعاطل بسبب ضعف الراتب وساعات العمل الطويلة الي تستنزفه نفسيًا ومعنويًا ( اشتغلت في أكثر من شركة وكلها جابت لي الضغط وحرق الأعصاب والقرف والنفسية )

أحد أصدقائي مهندس متخرج من أمريكا ويعمل الآن بوظيفة لحّام في أحد الشركات البترولية (حِرفي craftsman)، ويتفاجأ بتوظيف مهندسات حديثات تخرج ، أقصى شيء تعمله تاخذ لفة على الورشة وتروح المكتب لين نهاية الدوام وتستلم ضعف راتبه مرتين، لا وأزيدك من الشعر بيت ، تعال لها بعد سنتين بتلاقيها CEO في نفس الشركة وأنت تنتظر زيادة 150 ريال في راتبك

هذا الواقع المر

bury my bones · يوم أمس 2022-04-17, 07:43 PM

THE HUNTER

1- في بعض الحالات, يستلمون رواتب أقل, فالمجموع يكون اقل تكلفة على المنشأة.

2- في السابق اعتقد كانت تحسب سعودة عن 2 من الرجال, ما أدري اذا تغير هذا الشي او لا؟!.

3- موضة الشركات الأن في حشر اكبر كمية من النساء في اي مجال ( PR او ماي قاد شي خيال كمظهر)

4- لاحظت كذلك انها اكثر انصياعا للمدير (عادة يكون اجنبي يحل ويربط) وبعضهم عندهم فكرة انها تكرف

اكثر من الرجل وملتزمة بالعمل وتحافظ عليه.

ممكن اكون اخطأت في بعض النقاط ونسيت بعضها

لو عندك نظام عمل قوي يحمي الموظف, الأمور هذه ماتمشي, بأختصار هذا تمييز عنصري على اساس

الجنس, افصل ذا وحط ذا بداله اليوم الثاني بسبب عضو تناسلي. الظاهر الشباب راح يحتاجون

منصة خاصة بالذكور مثل باقي المنصات الى تطلع كل يوم. اما بالنسبة للمستقبل حاول تتعلم الطبخ

والتزامات المنزل.

ما عاد فيه نظام قوي وانا خوك
إذا لوبي الـHR صار كله حريم

الشيخ مدحت · يوم أمس 2022-04-17, 08:11 PM

اعانكم الله جميعا ، بصراحة اقرا الموظوع والردود و احس بمعاناتكم..

الوظع فعلا يخوف ما يدري الواحد وش يتخصص او وين يشتغل شغل يظمن له حياة كريمة و يمكنه من انه يرسم مستقبله و مستقبل عايلته

bu salman · يوم أمس 2022-04-17, 09:14 PM

THE HUNTER

1- في بعض الحالات, يستلمون رواتب أقل, فالمجموع يكون اقل تكلفة على المنشأة.

2- في السابق اعتقد كانت تحسب سعودة عن 2 من الرجال, ما أدري اذا تغير هذا الشي او لا؟!.

3- موضة الشركات الأن في حشر اكبر كمية من النساء في اي مجال ( PR او ماي قاد شي خيال كمظهر)

4- لاحظت كذلك انها اكثر انصياعا للمدير (عادة يكون اجنبي يحل ويربط) وبعضهم عندهم فكرة انها تكرف

اكثر من الرجل وملتزمة بالعمل وتحافظ عليه.

ممكن اكون اخطأت في بعض النقاط ونسيت بعضها

لو عندك نظام عمل قوي يحمي الموظف, الأمور هذه ماتمشي, بأختصار هذا تمييز عنصري على اساس

الجنس, افصل ذا وحط ذا بداله اليوم الثاني بسبب عضو تناسلي. الظاهر الشباب راح يحتاجون

منصة خاصة بالذكور مثل باقي المنصات الى تطلع كل يوم. اما بالنسبة للمستقبل حاول تتعلم الطبخ

والتزامات المنزل.

على طاري اللي يقبلن اي راتب, شفت بعضهن شهادات جامعيه حاسب الي وعلوم يوقعون على رواتب 5 الاف بكج.
حاليا الشغاله تكلف رب الاسرة 20 الف استقدام+1500 راتب شهري+1500 اكل وشرب+توفير سكن مجاني+ماء وكهرب = تقريبا 5000 ريال شهريا اذا العقد سنتين, هذا غير تذكرة السفر عند الخروج.

مع دعم الموارد البشريه, ذولا اقل تكلفه من الشغاله

bury my bones

التوجه الجديد الآن إحلال المرأة مكانك
وأبشرك المعاناة المهنية حتى عندنا يالمهندسين ، وحتى الموظف أشبَه بالعاطل بسبب ضعف الراتب وساعات العمل الطويلة الي تستنزفه نفسيًا ومعنويًا ( اشتغلت في أكثر من شركة وكلها جابت لي الضغط وحرق الأعصاب والقرف والنفسية )

أحد أصدقائي مهندس متخرج من أمريكا ويعمل الآن بوظيفة لحّام في أحد الشركات البترولية (حِرفي craftsman)، ويتفاجأ بتوظيف مهندسات حديثات تخرج ، أقصى شيء تعمله تاخذ لفة على الورشة وتروح المكتب لين نهاية الدوام وتستلم ضعف راتبه مرتين، لا وأزيدك من الشعر بيت ، تعال لها بعد سنتين بتلاقيها CEO في نفس الشركة وأنت تنتظر زيادة 150 ريال في راتبك

هذا الواقع المر

نفس الكلام ,دوامي كان 8:30-18:00 واحيانا زيادة ساعات واجتماعات الساعه 7 المغرب بدون تعويض. واخر الشهر راتب يمشي الحال مايكفي تقسط سياره.
من ناحية المميزات صحيح, رحت مره لمكتب الشركه الام اللي ناخذ منها المشاريع, مهندسين شيبان اجانب ماعندهم مكتب مستقل جالسين في المكعبات مع باقي الموظفين, وهذي اللي توها موظفه HR مكتب خاص زجاجي, وش شغلها؟ ترسل ايميلات متى تبدا الاجازه ومتى تنتهي

--------------------------

هنا الصورة تتحدث

Mohsen1995 · يوم أمس 2022-04-17, 11:36 PM

يا خوان الوضع صار يخوف حتى الوظايف العسكرية حاشرين البنات فيها يعني الرجال خلاص معاد فيه وظايف
روح اطبخ وجلس تحت رحمة البنات

هالبينو · يوم أمس 2022-04-17, 11:47 PM

تم تعديل الرد...

المهم نتيجة دعم البنات راح يشوفوها بعد 10 سنين يوم تلقا شباب كبار وعاطلين وبنات عوانس ومعدل انجاب اقل من دول اوروبا واليابان...

epbasd · اليوم 2022-04-18, 12:28 AM

كلكم تعرفو السبب الحقيقي

wael5656 · اليوم 2022-04-18, 01:19 AM

هالبينو

تم تعديل الرد...

المهم نتيجة دعم البنات راح يشوفوها بعد 10 سنين يوم تلقا شباب كبار وعاطلين وبنات عوانس ومعدل انجاب اقل من دول اوروبا واليابان...

ابشرك معدل الخصوبه عندنا اخر تحديث انها اقل من المعدلات العالميه بالمناسبه

هالبينو · اليوم 2022-04-18, 01:24 AM

wael5656

ابشرك معدل الخصوبه عندنا اخر تحديث انها اقل من المعدلات العالميه بالمناسبه

صحيح قريت هذا الكلام الجيل الجديد صاير يكتفي بولد ولدين

فكيف بعد كم سنة

انا من جيلي وعيال خالاتي واقاربي كثيييير اعمارهم طقت ال40 لاوظايف ولا مصدر دخل

في كل عيلة نشوف عشرات من الشباب العاطلين بدون زواج وبنات فاتهم القطار وهم في وظايف مرموقة....

الله يعين

كتبت كلام كثير بس خفت من الجمس الاسود

mjhool77 · اليوم 2022-04-18, 01:55 AM

الصراحه قرارات غريبه. السعودية من الدول قليلة السكان مقارنة بالمساحات الشاسعة والإقتصاد الطموح , ترى لو نظرنا لعدد السعوديين فقط من غير المقيمين أظن حول 22 مليون فقط !! وشوف كم عدد كبار السن والأطفال من هالرقم بعد

يعني مفترض يكون فيه توجة لزيادة عدد السكان وليس العكس. الصين مثلاً عدد سكانها 1.4 مليار وأصدروا مؤخراً قرار بسماح ب3 أطفال, لأن يشوفون مستقبلاً (30-50 سنة) راح يكونوا الإقتصاد الأول فيحتاجوا زيادة طفيفة بالسكان. شيء عجيب

THE HUNTER · اليوم 2022-04-18, 02:10 AM

هالبينو

كتبت كلام كثير بس خفت من الجمس الاسود

زين لحقت عليه ههههههه, ولا العدس كان يطبخ.

kloza · اليوم 2022-04-18, 03:01 AM

عندك متجرين فيهم نفس الاغراض

واحد صاحبته بنت والثاني صاحبه ولد وكلهم يبيعون نفس المنتجات على نفس الشارع

من بتشتري منه الولد ولا البنت

غالبا المعظم يميل للشراء من المرأه

وعلى هالموال يطبق النظام في المحلات والشركات

سمعت عن مكان توظيف ما ودي اذكر اسمه يوظف 10 اشحاص يوميا منهم 9 بنات وولد او ولدين بالكثير

ksr9 · اليوم 2022-04-18, 03:25 AM

اغلب الشركات الآن صارت نفس النظام قبل فترة دخلت بنك الرياض
وكان حول 7 موظفين كلهم رجال ودخلت قريب اراجع انصدمت ان اغلبهم نساء
وحصل بيني وبين السيكيورتي نقاش قالي ان الرجال اول ياخذ الواحد 9 الاف
والآن كلهم نساء والوحدة تاخذ 4000 يعني براتب واحد من الرجال تقريبا اثنين نساء

epbasd · اليوم 2022-04-18, 03:54 AM

kloza

عندك متجرين فيهم نفس الاغراض

واحد صاحبته بنت والثاني صاحبه ولد وكلهم يبيعون نفس المنتجات على نفس الشارع

من بتشتري منه الولد ولا البنت

غالبا المعظم يميل للشراء من المرأه

وعلى هالموال يطبق النظام في المحلات والشركات

سمعت عن مكان توظيف ما ودي اذكر اسمه يوظف 10 اشحاص يوميا منهم 9 بنات وولد او ولدين بالكثير

لا من قال كذا محد يعل القلب الا الباعة البنات ألحين لما تقضي للعيد شوف كيف فحسان للقلب يارجال شوف ماك كيف صار لما بدئو البنات يمسكون الشغل

ابوحرب99 · اليوم 2022-04-18, 04:08 AM

الله يعين دامك بسعوديه
فا نسبه العطاله عاليه والي عنده (و) امره بسيط

الواحد اذا اشتغل عمل حر
قالو له انت مخالف مو نظامي واشغلوه

واذا فتح له محل انواع الغرامات الي اسعارها مبالغها 20.000 حتى من دون اي تحذيرات

والعسكريه شروطها الله يعين وخاصه الي يطلبون طول
وتروح عندهم طولك ممتاز
فجاء ينقصون من طولك 2 سانتي ومع باب
ويكون الشخص متنازل عن الجامعه ويقدم بثنويه ولايجيك شي

bu salman · اليوم 2022-04-18, 04:12 AM

epbasd

لا من قال كذا محد يعل القلب الا الباعة البنات ألحين لما تقضي للعيد شوف كيف فحسان للقلب يارجال شوف ماك كيف صار لما بدئو البنات يمسكون الشغل

لحضه لحضه, حتى المطاعم؟؟؟

انا كرهت السوبرماركت من ذا العينات شغل بطي وغثيث

ابوحرب99

الله يعين دامك بسعوديه
فا نسبه العطاله عاليه والي عنده (و) امره بسيط

الواحد اذا اشتغل عمل حر
قالو له انت مخالف مو نظامي واشغلوه

واذا فتح له محل انواع الغرامات الي اسعارها مبالغها 20.000 حتى من دون اي تحذيرات

والعسكريه شروطها الله يعين وخاصه الي يطلبون طول
وتروح عندهم طولك ممتاز
فجاء ينقصون من طولك 2 سانتي ومع باب
ويكون الشخص متنازل عن الجامعه ويقدم بثنويه ولايجيك شي

العسكريه خلها لهم اهانه وكرف على راتب طفسه وتقاعد مبكر

Riix · اليوم 2022-04-18, 04:18 AM

انا ملاحظ الوظائف صارت تطلب نساء اكثر
ومن شروطهم يوظفون النساء
اكثر من مكان قبل سنه كنت اروح له كانوا فيه موظفين رجال
وهالسنه مريتها وكل اللي فيه نساء مسكوهم كل شي تقريبا
وعلى مر السنين راح تزيد نسبه العنوسه بشكل مخيف بسبب هالشي !

bu salman · اليوم 2022-04-18, 04:23 AM

Riix

انا ملاحظ الوظائف صارت تطلب نساء اكثر
ومن شروطهم يوظفون النساء
اكثر من مكان قبل سنه كنت اروح له كانوا فيه موظفين رجال
وهالسنه مريتها وكل اللي فيه نساء مسكوهم كل شي تقريبا
وعلى مر السنين راح تزيد نسبه العنوسه بشكل مخيف بسبب هالشي !

يارجل رحت مركز صحي حكومي مافيه ولا رجل غير عامل النظافه, حسيت اني دخلت مدرسة بنات بالغلط

العنوسة مفلله منذ زمن, اذا تبي تطلع اسأل الخطابات على الوتس والتليجرام