【Boss Talk】秀髮成標記 鄭慧敏：曾有人搵我拍洗頭水廣告

肩披長髮，是恒生（011）女大班鄭慧敏（Louisa）行走多年的標記，頭上亮澤青絲，她說打理容易沒太大煩惱，只需每月做一次treatment，最難忘反倒是招徠星探邀拍廣告的奇遇。

「有次行街，有人搵我拍洗頭水廣告。」她開心笑說：「梗係一腳伸開佢啦（即唔理佢）！」

由護髮到護膚，Louisa基本法不離每晚勤力敷Mask，食得清淡多喝水，「每日早餐都係食麥皮」，做健康寶寶；最關鍵是睡眠充足，如無應酬每晚10時半便休息，亦會做隻早起鳥。

身居商界領袖兼銀行一姐，對裝扮，她崇尚自然之道，「最緊要你着得舒服，唔需要特別點樣去濃妝。」若遇隆重場合深色系列乃不二首選，因應長髮造型，「亦會佩戴吓耳環，或心口針、頸鏈，適可而止的配搭……不用見客時，着條牛仔褲返公司都試過。」

見慣大小場面的鄭慧敏，對姊妹們社交禮儀有何忠告？勿高談濶論，遇突發事切忌尖叫？

她的小貼士是笑能化解困局。回憶有次開會，議題嚴肅氣氛緊張，她演述完畢鄰座同事溫提：「你笑下啦！」霎時令她恍然大悟，笑可令人放鬆，別人亦更易接受己見。

慣於跑數跑步的一姐，原來也愛下廚烹調中西菜餚，手捧自家製意式燴飯照片，立時為其「好打得」形象，添上幾分剛中帶柔氣息。

她憶述在英國工作期間，試過專誠「搭4個鐘頭火車去學點樣整海鮮」；入廚可調劑減壓，亦是一門「求生技能」，在上班以外找到「專心做又唔係工作」的樂趣，另有一番境界。

可有拿手菜式？Louisa充滿信心說，「各類意粉、千層麵、Risotto（燴飯）都唔錯㗎，不過不是藍帶（廚藝），哈哈。」