光榮冰室賣《蘋果》街坊「特登嚟支持！」

3小時前

國企華潤萬家旗下VanGO便利店日前起突然停售《蘋果日報》，阿布泰國生活百貨隨即宣佈「你唔賣，我哋賣」，旗下11間分店各售100份《蘋果》以作支持。除了阿布泰，光榮冰室六間分店周一起亦加入售賣《蘋果》，其中深井店今日優先發售。記者所見，今晨不少市民到深井光榮冰室買《蘋果》，他們有部份前來堂食早餐，亦有買外賣，兼買一份《蘋果》，甚至有熱心街坊專程只買一份《蘋果》，「特登嚟支持」！

深井光榮冰室出售100份《蘋果》，並以購入價8元發售，街坊王先生前來買外賣，「平時喺對面間便利店買，今日見光榮有得賣，特登嚟支持。」對於VanGO便利店停售《蘋果》，「我覺得係打壓，中資機構，全港都支持一份報紙啫，佢哋基於政治立場唔賣，有啲唔係幾好囉，呢度仲（賣）平啲！」

街坊梁先生抱着愛犬到光榮買外賣，「我嚟買外賣，知道呢度有《蘋果》，就一齊買埋，知道《蘋果》喺好多地方畀人打壓，呢度有得賣更加方便大家。」

有街坊則指去了兩間報攤及便利店，都已經無《蘋果》賣，遂來光榮買《蘋果》，對於VanGO停售《蘋果》，他認為「咁選擇性、針對性，唔係太理想。」

----------------------------

街坊在餐廳邊吃早餐，邊睇《蘋果》。

梁先生手抱愛犬買外賣及《蘋果》。

王先生指基於政治立場唔賣蘋果，「有啲唔係幾好囉」。

街坊專程來買《蘋果》。

深井光榮冰室今日開始發售《蘋果日報》。

街坊專程來買《蘋果》。

你敢爆，我敢獎！立即WhatsApp 《蘋果》24小時爆相爆片熱線或致電：63836568

-----------------------------