Akol Miyen Kuol

Akol Miyen Kuol (dhiëth në 1974) ee awicwël, amegɔt ku mikëp de Paguöt Thudän. Yen acï dhiëth në lɔ̈k Abyei nɔŋ miök juɛ̈c, kuyee aŋot piir yemɛn në kökic Kenya. Akol Miyen aŋic në wɛt luoi de këp bë dɔ̈ɔ̈r thööp në pinypande, Paguöt Thudän. Akol aluui yemɛn tinë BBC keye dulääth Thudän ku Paguöt Thudän. Lëklëk abuonnhial de Akol cɔɔl “Save The Last Train” (“Kony Riangëkluŋ Cëdoŋ”), acë dujiit riɛɛlpuoth në Juba bïk atiipakuɔt jiit në genamatnhomëbɛ̈n bïk dɔɔr lɛɛk. Akol acë lëklëk “Kony Rianëgëklüg Cëdoŋ” lieepthok në SpiceTalks, ee luɔi de “Spice Without Borders” (Jamwältuɛt Cinakeu) në ruɔ̈n 2016.

Piir deyictueŋ

Akol acë kat Abyei në 1978 wɛt wëël ë riakëpiny në genmatbeei ku lëër parutic Thudän. Yen acë jääl Thudän në 1993 lɔ Egypt wën cïï yuic yen bë rɔtmat Apuruuk Thudän, wɛt cï “miir thör ke kockiɛ̈”. Ruɔ̈n karou ku abak këncök, yen acë cath lɔ Tanzania ku jɔl yaa Kenya në 1999.

Aye Akol lueel, nhieerde tënɔŋ pamacde ku Apirïka acë ye riɛlpuou bë këp gɔt ku acë akutëkëp luɛɛl tënɔŋ Bɛnymacbaaithɛɛr Paguöt Apirïka, Nelson Mandela.

Aguɛrbëëi:

1. “The Sun Will be Rising’ [“Aköl Abë Bääk”] (këp, 2001)

2. “The Last Train” [“Ye Riangëkluŋ Cëdoŋ”] (këp, 2003)

3. “A Case for the Capacity of South Sudanese to Rule Themselves” [“Ye këluel tënɔŋ lëulëu de kɔc Paguöt Thudän bïk Rötmuk Kepɛc”] (athör këdelääth, 2009)

4. “Sudan: Understanding the Oil-Rich Region of Abyei [“Thudän: Dɛɛt lɔ̈k Abyei nɔŋ miök juɛ̈c”] (athör këdelääth, 2011)

5. “The Obstacles of Creativity in South Sudan”  [“Käyegel Luɔiëciek në Paguöt Thudän”] (yiarathör, 1997)