彭皓鋒係乜水? 佢個名你可能未聽過，但佢有份拍嘅無綫劇你一定睇過。佢喺無綫拍劇超過16年，演出超過120部劇集，飾演過嘅角色超過100個，係TVB嘅御用「綠葉王」，亦即係歌手彭家麗嘅胞弟。
彭皓鋒2012年已經離開無綫轉戰大陸市場，前排佢憑大陸網絡電影《老師上錯身》，入圍美國電影節'US Hollywood International Film Festival'最佳男配角提名，仲要擊敗其他入圍嘅外國對勇奪最佳男配角依個國際殊榮。
彭皓鋒得奬後喺Facebook貼出獎座，留言話「我係咪發緊夢！好想喊呀！」。入左行20年，彭皓鋒終於有一個真正嘅肯定，希望之後觀眾會記得佢叫彭皓鋒，而唔係無綫超級大茄或者彭家麗細佬。
