滴膠教學♥
今日係黎分享一下滴膠既製作過程^0^
一般做滴膠既手作者都係追求弧度夠大，愈高愈好～
不過自己滴膠做出既弧度其實有限既～3~6mm都差不多嫁喇～
如果真係好想要好高的話建議配膠片，效果都唔錯嫁：）！
好！開始喇！
一般做滴膠既手作者都係追求弧度夠大，愈高愈好～
不過自己滴膠做出既弧度其實有限既～3~6mm都差不多嫁喇～
如果真係好想要好高的話建議配膠片，效果都唔錯嫁：）！
好！開始喇！
首先揀一張你中意既圖片，打印或者沖晒出黎，
重點係一定要用相紙黎做既，如果唔係墨水遇到滴膠係會化開嫁！
呢個示範我用左布，但用布都有唔好處，
就係遇到滴膠會深色左，就好似沾到水咁，
如果唔知效果如何，建議大家用之前將塊布濕下水，
就可以模擬下最後既效果有幾深色：）
係底托到塗膠水～
可以用棉花棒幫手，平均ｄ：）
完成貼圖～
戲玉部分：
將A, B膠混合，
先後次序唔重要，最重要係比例！A:B = 3:1～
注意啊～如果A膠太多，滴膠永遠都唔會乾透嫁，
永遠模落去都好似痴立立咁，放幾耐都唔會硬；
而如果B膠太多，就會硬得好快…
所以比例一定要掌握得好好～！
用牙籤將滴膠完全混合～
無論幾小心混合，都會出現氣泡既～
放低佢，慢慢自然會消失，千萬唔好心急啊～！
靜待５至１０分鐘…（放心啦！唔會乾左嫁！）
氣泡消失後，就可以慢慢滴落底托～
用牙籤平均塗一層滴膠…
之後將剩低既滴膠倒落去就完成喇！：）
做滴膠一定要好好好有耐性，
完全乾透需時起碼12小時，
千萬唔好心急摸下佢睇下乾左未，唔係就前功盡廢！
希望大家都成功啦！：）