TriAsia Phnom Penh Football Club ត្រូវបង្កើតឡើងថ្ងៃនេះ Trackback
TriAsia Phnom Penh Football Club ត្រូវបានបង្កើតឡើងនៅរសៀលថ្ងៃនេះ ដែលមានក្រុម ហ៊ុន TriAsiaGroup និង Soken Cambodia Co.LTD ជាអ្នកឧបត្ថម្ភ។ ម្ចាស់ក្លិបគឺលោក Tomoyuki Yokoi , លោក Daisuke Yoshioka ជាអ្នកចាត់ការទូទៅ និង ជាគ្រូបង្គោល, លោក ភា សុភ័ក្ត្រា ជាគ្រូបង្វឹក អមដោយកីឡាករ៥នាក់ផ្សេងទៀតមានវត្តមាននៅម៉ោង ៤ រសៀលថ្ងៃទី ១១ ធ្នូ នេះ ក្នុងសិន្និសីទកាសែត នៅ Kiriya Cafe។
កីឡាករ
កីឡាករ សំ ចាន់ណា បាននិយាយថា រីករាយដែលបានចូលរួមជាមួយ TriAsia Phnom Pen F.C។ ចំណែក ឌួង ប៊ុណ្ណា អតីតកីឡាកររបស់គីរីវង់សុខសែនជ័យ និងណាហ្គាខប នោះក៏ឲ្យដឹងដែរថា នេះពិតជាឱកាសដ៏ល្អ ហើយ គេនឹងខំប្រឹងឲ្យអស់សមត្ថភាពដើម្បីជួយក្លិប។
លោក ភា សុភ័ក្តា
លោក ភា សុភ័ក្ត្រា គ្រូបង្វឹកបាននិយាយថា ការបង្កើតក្លិបថ្មីនេះគឺធ្វើការជាមួយមន្ទីរអប់រំយុវជន និង កីឡា ដោយមិនទាន់ពាក់ព័ន្ធនឹងសហព័ន្ធកីឡាបាល់ទាត់កម្ពុជាឡើយ។ ដំបូងក្លិបត្រូវប្រកួតជម្រុះក្នុងក្របខ័ណ្ឌមហាជន។ បន្ទាប់មកបើឈ្នះត្រូវឡើងដល់ក្របខ័ណ្ឌក២ និង ឆ្ពោះទៅកាន់ក្របខ័ណ្ឌ ក១ មុននឹងមានកៅអីទៅលេងនៅ លីកកំពូលកម្ពុជា។ លោករំពឹងថា ក្រុម TriAsia Phnom Penh F.C នឹងអាចឡើងទៅកាន់ក្របខ័ណ្ឌមិត្តហ្វូនខេមបូឌានលីកនាឆ្នាំ២០១៥ ប្រសិនបើក្រុមអាចយកឈ្នះជាបន្តបន្ទាប់នោះ។ ក្នុងករណីនេះ ក្រុមរបស់លោកអត់មានសិទ្ធិយកកីឡាករដែលកំពុងលេងនៅក្របខ័ណ្ឌកំពូល និង ក្របខ័ណ្ឌ ក១ មកជួយក្រុមនោះទេ ពោលយកកីឡាករក្មេងៗ និង កីឡាករដែលធ្លាប់លេងពីមុនមក ប៉ុន្តែអត់មានក្លិបលេងនាពេលបច្ចុប្បន្ន។
លោក Daisuke Yoshioka
លោក Daisuke Yoshioka ដែលជាអ្នកចាត់ការទូទៅ និង ជាគ្រូបង្គោលនៅក្លិបថ្មីនេះបានថ្លែងថា ក្រុមរបស់លោកនឹងចាប់ផ្ដើមហ្វឹកហាត់នាខែមករា ២០១៣ ខាងមុខ។ រសៀលនេះលោកបានបង្ហាញឈ្មោះកីឡាករចំនួន៥នាក់ គឺ ឌួង ប៊ុណ្ណា អាយុ ២៣ឆ្នាំជាអតីតកីឡាកររបស់គីរីវង់សុខសែនជ័យ, ខេង រស្មី អាយុ១៩ឆ្នាំ , ខេង បញ្ញា អាយុ១៧ឆ្នាំ, សំ ចាន់ណា អាយុ១៩ឆ្នាំ (ទាំងបីមកពីណាហ្គាខប) និង ទ្រេះ សាឡេះ អាយុ១៧ឆ្នាំ អតីតកីឡាកររបស់ឆ្លាមសមុទ្រ។
ចំណែក ក្រុមគ្រូបង្វឹក លោកនឹងលៃលកជ្រើសរើសពីររូបបន្ថែមទៀត ប៉ុន្តែ លោកសុំលាក់សិន។ លោកជឿជាក់ថា នឹងនាំក្រុមឡើងមកកាន់ក្របខ័ណ្ឌកំពូលក្នុងពេលឆាប់ៗ ឲ្យស្របតាមឆន្ទៈរបស់ អ្នកឧបត្ថម្ភ។ លោកសង្កត់ធ្ងន់ថា “គោលរបស់ក្លិបគឺចង់បង្ហាញឲ្យពិភពលោកបានស្គាល់កម្ពុជាតាមរយៈក្រុមបាល់ទាត់នេះ ហើយ ខ្ញុំចង់បណ្ដុះបណ្ដាលកីឡាករវ័យក្មេងរបស់កម្ពុជាឲ្យខ្លាំងក្លា”។
លោកបានបញ្ជាក់ទៀតថា កីឡាករដែលមានទីលំនៅនៅភ្នំពេញអាចទៅស្នាក់នៅជាមួយគ្រួសារបាន។ លោកបន្ថែមថា បញ្ហានេះមិនមែនតែនៅកម្ពុជាទេ តែនៅជប៉ុន ឬ អង់គ្លេស ក៏ធ្វើដូចគ្នា។ ចំណែកកីឡាករដែលមកពីតាមខេត្តអាចស្នាក់នៅជាមួយក្លិប ដែលមានទីតាំងនៅម្ដុំ បឹងកេងកង។ បច្ចុប្បន្នលោកមានកីឡាករដូចរៀបរាប់ខាងលើ។ ប៉ុន្តែបើកីឡាករណាមានចំណាប់អារម្មណ៍អាចទាក់ទងដាក់ពាក្យតាមរយៈលោក Hiroya Konដែលលេខទូរស័ព្ទ ០៦៩ ៧០៨ ៦៤៧។
លោក Tomoyuki Yokoi
លោក Tomoyuki Yokoi ដែលជាប្រធានក្រុម TriAsia Group សហការជាមួយក្រុមហ៊ុន Soken Cambodia.Ltd បាននិយាយថា “ខ្ញុំបង្កើតមិនមែនដើម្បីចំណេញទេ ប៉ុន្តែ ខ្ញុំចង់ឃើញវិស័យបាល់ទាត់ខ្មែរខ្លាំងដូចប្រទេសនៅតំបន់អាស៊ី”។ លោកគូសបញ្ជាក់ថា ”ខ្ញុំមិនមែនជាអ្នកវិនិយោគទេ តែខ្ញុំជាសហគ្រិន។ ខ្ញុំគិតថាមិនរកស៊ីលើវិស័យនេះនៅកម្ពុជាឡើយ”។
ចំណែក Logo មានសត្វដំរី គឺអត្ថន័យថា ដំរីខ្លាំងពេលលោកបានឮប្រជាជនខ្មែរថាយកសត្វដំរីជាយានដើម្បីច្បាំងកាលសម័យដើម។ លោកសង្ឃឹមថា ដំរីនេះនឹងជួយឲ្យក្លិបកាន់តែលេចធ្លោនៅពេលខ្លីខាងមុខ។ មិនត្រឹមតែនៅកម្ពុជា ក្រុម TriAsia Phnom Penh F.C មានទំនាក់ទំនងល្អជាមួយ J.League របស់ជប៉ុនផងដែរ។ លោកសង្កត់ន័យទៀតថា [រឿងលុយប្រាក់ខែ]កីឡាករ គឺអត់មានបញ្ហាចោទនោះទេ ព្រោះមានក្រុមហ៊ុន ពីរសហការគ្នា។
នេះជាទំព័រប្រវត្តិសាស្ត្រដំបូងដែលជនជាតិជប៉ុន សហការគ្នាដើម្បីបង្កើតក្លិបបាល់ទាត់នៅកម្ពុជា ឬ អាចនិយាយថា ជាក្លិបទី១ ដែលមានបរទេសជាម្ចាស់ក្លិបនៅក្នុងវិស័យបាល់ទាត់កម្ពុជា៕
អត្ថបទ៖ ឆន ទិត្យ
Good new football club
ke mean rers player te bong
Congratulation
wow i love all its management, both bong sopheaktra and Daisuke Yoshioka. I think this club has so much money that can bring all great people together. looking to see it’s becoming a champ in cambodia soon!
i will join it
if they need young player to train, contact me in fb RollRoyce Boy Chinedum
I support this good initiative. Good news for khmer football club
Please have a good start!.. and get better and better.
good job