Ｍ：昔アメリカの悪い総領事さんが♪ 乞いを忘れた怒れる男に♪ 痺れるようなあちこーこーの♪ 琥珀色した飲み物をぶっかけられました♪ やがて心わじわじー♪ とっても不愉快このムード♪ たちまち男は悪いメアと喧嘩した♪ コンガマラカス楽しいサンシンのリズム♪ 南の国の情熱のアロマ♪ それは素敵な飲み物コーヒーモカマタリ♪ みんな陽気にかけて怒ろう♪ 愛のコーヒールンバ♪
Ｓ：ぬーえんばーが、うぬ歌や？
Ｍ：メア在沖米総領事んかいホットコーヒー掛（は）きてぃ、逮捕さってーぬ男（いきが）ぬ記事ぬ新聞かい載（ぬ）とぅてーとぅよ、うり見っち作（ちく）たんばーてー。
Ｓ：ああ、県外出身ぬ男ぬ人（ちゅー）や。新聞読（ゆ）でぃ、とーゆーしちゃん、やなメア小（ぐゎー）や、ゆーしったいえっさ。遠慮さんぐとぅ面（ちら）んかい掛きてぃとぅらせーしむてーむん、り思（うむ）てーぬ人ぬん満どぅんばーらんな。
Ｍ：あんすとぅよ。石垣港んかいアメリカ軍ぬ軍艦、強制入港しみてぃや、うぬばーぬメアぬ物言（むぬい）いようから行動（しーよう）から、でーじな挑発的えってーとぅよ。テレビじ見っちわじわじーしち、にじららぬ人ぬん居（をぅ）いてんばーえっさ。横断幕盗でーしん、ゴミせーきたんり言ちゃいやー。
Ｓ：くぬひゃーや歴代ぬ沖縄総領事ぬ中じん、最悪ぬ総領事りち間違（まちげー）ねーらん名前ぬ残（ぬく）るんやー。かーぎん悪（わ）っせーしが根性（くんじょー）ん爛（たー）りてぃ、ウチナンチューうしぇー物言いびかしちゃっくとぅよ、本当（ふんとー）やウチナンチューがそー入らさんねーならんてーばーえっしが。
Ｍ：石垣港ぬ強制入港から伊芸区ぬ流弾事故ぬ報告から、辺野古新基地ぬ準備書面から、ウチナーやあまーじんくまーじん米軍ぬ問題びかー起くてぃよ、じゅんに琉球列島や軍事列島んかいなっとぅんどーやー。
Ｓ：ヤマトゥじや北朝鮮ぬミサイルぬ飛でぃすんりち騒じゃっくしがやー、ウチナーかい居いねー米軍ヘリや落（う）ちてぃすん、機関銃ぬ弾や飛（とぅ）でぃすん。北朝鮮ぬミサイルよか米軍がるじょい危なせんどーやー。
Ｍ：あんすとぅよ。北朝鮮ぬ脅威、中国ぬ脅威り言うしがや、戦後、北朝鮮軍にん中国軍にんウチナンチューや殺（くる）さっとぅらんしが、米軍ぬ兵隊（ぴーたい）にちゃっさーぬウチナンチューぬ殺さったがりいうし、考（かんげ）ーらんねーならんばーてー。くぬ前（めー）ぬん５８号線じ三人（みっちゃい）アメリカーぬ車んかいちっくゎーさってぃ、やがてぃや死ぬてんどーやー。
Ｓ：くゎーちぇーぬアメリカーや基地ぬ中んかいぴんぎてぃや、今（なま）から犯人ぬはちみらってぃん、医療費とぅか賠償金とぅか出じりがすらりいうしが問題えんばーてー。
Ｍ：メア総領事ぬん友好親善りち、くさ物言いすーぬ暇（ぴま）ぬあいねー、アメリカ兵ぬ教育から立派んぐゎーしーくゎれー、り言い欲（ぶ）せんやー。港ん道んアメリカーたー勝手やあらんどーやー。
Ｓ：「よき隣人」りいうぬ言葉（くとぅば）ん最近やどぅく聞（ち）からんしが、人ぬ迷惑ん考えらんしたーかいや、はっきりＮＯりいうぬ意思表示さんねーならんばーてー。今度ぬ石垣ぬ人達（ちゅーたー）ぬ抗議行動や、ゲートぬ前（めー）じ座り込みしちアメリカーたー出じゃさんぐとぅ何時間ぬん粘てぃや、うり見っち自分（どぅー）なーたーやだんだん慣らさってぃ、抗議行動ぬん形式的なってぃやうらんがやーりち、反省しみらったんでー。
Ｍ：あんすとぅよ。慣らさりしが一番怖（うとぅ）るせんばーてー。
Ｓ：ウチナンチューやおとなしいりちうしぇらりねー、ゆけーさーりんばーよ。人ぬ足（ぴさ）くだみてぃ何（ぬー）りん思んしたーや、臑（しに）蹴（き）りとぅばしばしむんばーよ。
Ｍ：普段おとなしい人がそーわじしーねー怖（うとぅ）るせーとぅや。
Ｓ：ミミンジャやくだみてぃん、パブくだみーぬ人や居らんとぅや、うり考えらんねーならんばーて。
Ｓ：ぬーえんばーが、うぬ歌や？
Ｍ：メア在沖米総領事んかいホットコーヒー掛（は）きてぃ、逮捕さってーぬ男（いきが）ぬ記事ぬ新聞かい載（ぬ）とぅてーとぅよ、うり見っち作（ちく）たんばーてー。
Ｓ：ああ、県外出身ぬ男ぬ人（ちゅー）や。新聞読（ゆ）でぃ、とーゆーしちゃん、やなメア小（ぐゎー）や、ゆーしったいえっさ。遠慮さんぐとぅ面（ちら）んかい掛きてぃとぅらせーしむてーむん、り思（うむ）てーぬ人ぬん満どぅんばーらんな。
Ｍ：あんすとぅよ。石垣港んかいアメリカ軍ぬ軍艦、強制入港しみてぃや、うぬばーぬメアぬ物言（むぬい）いようから行動（しーよう）から、でーじな挑発的えってーとぅよ。テレビじ見っちわじわじーしち、にじららぬ人ぬん居（をぅ）いてんばーえっさ。横断幕盗でーしん、ゴミせーきたんり言ちゃいやー。
Ｓ：くぬひゃーや歴代ぬ沖縄総領事ぬ中じん、最悪ぬ総領事りち間違（まちげー）ねーらん名前ぬ残（ぬく）るんやー。かーぎん悪（わ）っせーしが根性（くんじょー）ん爛（たー）りてぃ、ウチナンチューうしぇー物言いびかしちゃっくとぅよ、本当（ふんとー）やウチナンチューがそー入らさんねーならんてーばーえっしが。
Ｍ：石垣港ぬ強制入港から伊芸区ぬ流弾事故ぬ報告から、辺野古新基地ぬ準備書面から、ウチナーやあまーじんくまーじん米軍ぬ問題びかー起くてぃよ、じゅんに琉球列島や軍事列島んかいなっとぅんどーやー。
Ｓ：ヤマトゥじや北朝鮮ぬミサイルぬ飛でぃすんりち騒じゃっくしがやー、ウチナーかい居いねー米軍ヘリや落（う）ちてぃすん、機関銃ぬ弾や飛（とぅ）でぃすん。北朝鮮ぬミサイルよか米軍がるじょい危なせんどーやー。
Ｍ：あんすとぅよ。北朝鮮ぬ脅威、中国ぬ脅威り言うしがや、戦後、北朝鮮軍にん中国軍にんウチナンチューや殺（くる）さっとぅらんしが、米軍ぬ兵隊（ぴーたい）にちゃっさーぬウチナンチューぬ殺さったがりいうし、考（かんげ）ーらんねーならんばーてー。くぬ前（めー）ぬん５８号線じ三人（みっちゃい）アメリカーぬ車んかいちっくゎーさってぃ、やがてぃや死ぬてんどーやー。
Ｓ：くゎーちぇーぬアメリカーや基地ぬ中んかいぴんぎてぃや、今（なま）から犯人ぬはちみらってぃん、医療費とぅか賠償金とぅか出じりがすらりいうしが問題えんばーてー。
Ｍ：メア総領事ぬん友好親善りち、くさ物言いすーぬ暇（ぴま）ぬあいねー、アメリカ兵ぬ教育から立派んぐゎーしーくゎれー、り言い欲（ぶ）せんやー。港ん道んアメリカーたー勝手やあらんどーやー。
Ｓ：「よき隣人」りいうぬ言葉（くとぅば）ん最近やどぅく聞（ち）からんしが、人ぬ迷惑ん考えらんしたーかいや、はっきりＮＯりいうぬ意思表示さんねーならんばーてー。今度ぬ石垣ぬ人達（ちゅーたー）ぬ抗議行動や、ゲートぬ前（めー）じ座り込みしちアメリカーたー出じゃさんぐとぅ何時間ぬん粘てぃや、うり見っち自分（どぅー）なーたーやだんだん慣らさってぃ、抗議行動ぬん形式的なってぃやうらんがやーりち、反省しみらったんでー。
Ｍ：あんすとぅよ。慣らさりしが一番怖（うとぅ）るせんばーてー。
Ｓ：ウチナンチューやおとなしいりちうしぇらりねー、ゆけーさーりんばーよ。人ぬ足（ぴさ）くだみてぃ何（ぬー）りん思んしたーや、臑（しに）蹴（き）りとぅばしばしむんばーよ。
Ｍ：普段おとなしい人がそーわじしーねー怖（うとぅ）るせーとぅや。
Ｓ：ミミンジャやくだみてぃん、パブくだみーぬ人や居らんとぅや、うり考えらんねーならんばーて。